Mae rhybudd cyhoeddus wedi ei anfon i ffonau symudol pobl ar draws Cymru i'w rhybuddio am beryglon Storm Darragh.

Mae oddeutu tair miliwn o bobl ar draws Cymru a de Lloegr wedi derbyn y rhybudd.

Daw wedi i’r Swyddfa Dywydd gyhoeddi rhybudd coch prin "perygl i fywyd" yng Nghymru ddydd Sadwrn.

Dyma'r defnydd mwyaf o'r system rhybudd hyd yma, gyda'r neges yn cael ei anfon i ffonau symudol pobl sydd yn byw yn yr ardaloedd ble y bydd rhybudd tywydd coch mewn grym.

Image

Fe wnaeth y rhybudd achosi i ffonau symudol greu sŵn uchel fel seiren, gan bara am 10 eiliad.

Mae rhybuddion coch ac oren mewn grym ddydd Sadwrn am wyntoedd cryfion, tra bod yna rybuddion oren a melyn am law trwm.

Mae’r Swyddfa Dywydd wedi rhybuddio fod "perygl i fywyd" yn sgil yr amodau – darllenwch fwy am beth mae’r rhybuddion yn eu golygu yma.

Inline Tweet: https://twitter.com/PrifWeinidog/status/1865098929349505102