Newyddion S4C

Mavis Nicholson

Teyrngedau i’r ddarlledwraig Mavis Nicholson sydd wedi marw yn 91 oed

NS4C 11/09/2022

Mae teyrngedau wedi eu rhoi i’r ddarlledwraig o Gymru Mavis Nicholson sydd wedi marw yn 91 oed.

Yn enedigol o Lansawel ger Castell-nedd roedd yn newyddiadurwraig adnabyddus ac roedd wedi cyflwyno nifer o raglenni teledu i wahanol sianeli.

Yn ystod ei gyrfa roedd wedi cyflwyno rhaglenni teledu Afternoon Plus a Mavis on Four ac wedi cyfweld â nifer o enwogion gan gynnwys Elizabeth Taylor, David Bowie, Kenneth Williams, Kenny Everett, Peter Cook a Dudley Moore.

Roedd hefyd wedi cyflwyno’r rhaglen radio Women’s Hour ar y BBC ac wedi cyhoeddi nifer o lyfrau.

Cafodd ei henwi ymhlith y cant o fenywod sydd wedi gwneud cyfraniadau nodedig i Gymru ac yn 2018 fe enillodd wobr BAFTA Cymru am Gyfraniad Rhagorol i Ddarlledu.

Dywedodd y newyddiadurwr Robert Peston: “Roedd Mavis Nicholson yn ddarlledwr gwych ac arloesol.”

Dywedodd yr hanesydd a'r cyn-wleidydd Gyles Brandreth: “Roedd Mavis yn berson hyfryd – doeth, cynnes a hael.”

Dywedodd Golygydd BBC Radio Wales Carolyn Hitt: “Roedd hi’n arloesydd darlledu gwirioneddol, y cyfwelydd gorau erioed ac yn berson hyfryd, yn llawn cynhesrwydd a ffraethineb.”

Llun: 100+ Menywod Cymru

This website uses cookies to ensure you get the best experience on our website.