Newyddion S4C

Brenhines Elizabeth - Swyddfa Dramor Flickr

Cadarnhau dydd Llun, 19 Medi fel angladd y Frenhines Elizabeth II

NS4C 10/09/2022

Mae Palas Buckingham wedi cadarnhau fe fydd angladd y Frenhines Elizabeth II yn cael ei chynnal ar ddydd Llun, 19 Medi am 11.00 yn Abaty Westminster, Llundain.

Yn gynharach ddydd Sadwrn roedd Brenin Charles III wedi awdurdodi Gŵyl y Banc ar draws y DU ar ddiwrnod angladd ei fam, y Frenhines Elizabeth II.

Fe gadarnhaodd y brenin newydd y gorchymyn yn seremoni’r Proclamasiwn.

Fe fydd yr angladd yn cael ei chynnal ar ddiwedd y cyfnod o alaru swyddogol.

Cyn hynny, fe fydd Brenin Charles III yn ymweld â Chymru ddydd Gwener 16 Medi.  Mae disgwyl iddo ef a’r Frenhines Gydweddog Camilla ymweld â Chadeirlan Llandâf a’r Senedd.

Fe fydd arch y Frenhines yn gorwedd yn Neuadd Westminster am bedwar diwrnod cyn yr angladd er mwyn i'r cyhoedd dalu teyrngedau iddi.

Dywedodd Arglwydd Lywydd y Cyngor Esgyniad, Penny Mordaunt, fod proclamasiwn yn nodi dydd angladd y Frenhines fel Gŵyl y Banc ar draws Lloegr, Cymru, Yr Alban a Gogledd Iwerddon.

Fe wnaeth y Brenin Charles III arwyddo’r gorchymyn.

 

 

This website uses cookies to ensure you get the best experience on our website.