Newyddion S4C

Wendy Buckney

Dyn wedi'i gyhuddo o lofruddio menyw yng Nghlydach

NS4C 09/09/2022

Mae dyn 55 oed wedi'i gyhuddo o lofruddiaeth wedi i fenyw cael ei darganfod yn farw ym mhentref Clydach yn Sir Abertawe. 

Cafodd Wendy Buckney, 71, ei darganfod mewn eiddo ar Heol Tanycoed yn y pentref ar 23 Awst. 

Mae Brian Whitelock, o Glydach, bellach wedi'i gyhuddo o'i llofruddiaeth. 

Wrth roi teyrnged i Wendy Buckeny, dywedodd ei theulu eu bod "wedi eu rhwygo ac fe welwn ni ei heisiau hi am byth.

"Fel teulu rydym wedi'n llorio fod ein chwaer, modryb a ffrind cariadus wedi ei chymryd mewn ffordd mor drasig."

Mae Brian Whitelock wedi ei gadw yn y ddalfa.

This website uses cookies to ensure you get the best experience on our website.