Newyddion S4C

Llywodraeth Cymru

'Dim ffracio i Gymru' medd Mark Drakeford

NS4C 09/09/2022

'Ni fydd Cymru yn dilyn Lloegr drwy ganiatáu ffracio nwy siâl', yn ôl Prif Weinidog Cymru, Mark Drakeford. 

Daw hyn wedi i Brif Weinidog y DU, Liz Truss, gyhoeddi y byddai ffracio nwy siâl yn ail-ddechrau yn Lloegr. 

Wrth siarad yng Nghaerdydd ddydd Iau, pwysleisiodd Mark Drakeford na fyddai Cymru yn codi'r gwaharddiad.

Dywedodd y byddai Llywodraeth Cymru yn canolbwyntio ar egni adnewyddadwy. 

"Ffordd i greu sicrwydd egni yn y dyfodol ydi buddsoddi mewn egni adnewyddadwy, ac mae gan Gymru gymaint ohono, ac o'r herwydd byddwn yn creu cyflenwad egn dibynadwy a fforddiadwy, ond hefyd yn gwneud cyfraniad, yn hytrach na mynd yn groes, i'r argyfwng hinsawdd," meddai. 

Daw hyn wedi i Liz Truss gyhoeddi cynlluniau i gapio biliau ynni cyfartalog cartrefi ar £2,500 y flwyddyn o fis Hydref ymlaen yn sgil yr argyfwng costau byw. 

This website uses cookies to ensure you get the best experience on our website.