Mae lluoedd Wcráin yn bygwth llwybrau cyflenwi byddin Rwsia ar ôl gwrthymosod ac ail-ennill tir dros y dyddiau diwethaf, yn ôl asiantaeth newyddion Reuters.

Dywedodd Arlywydd Zelensky fod byddin ei wlad wedi hawlio 1,000 km sgwâr o dir yn ôl o afael lluoedd Rwsia yn yr ymgyrch ddiweddaraf yn nwyrain y wlad.

Yn ôl adroddiadau fe allai milwyr Wcráin reoli rheilffordd hanfodol sydd yn ganolog i gyflenwadau Rwsia yn y dwyrain.

Hyd yma nid yw'r Kremlin wedi ymateb i'r datblygiadau diweddaraf.

Darllenwch ragor yma.