Mae peilot wedi ei arestio yn Tupelo yn nhalaith Mississippi, UDA ar ôl iddo fygwth dymchwel yr awyren i mewn i archfarchnad.

Cafodd Cory Wayne Patterson ei arestio a’i gyhuddo o ddwyn yr awyren ac o wneud bygythiadau terfysgol.

Roedd wedi hedfan yr awyren am oriau uwchben y ddinas cyn iddo lanio yn dilyn trafodaethau ar y radio gyda’r heddlu.

Bu'n rhaid i'r heddlu symud cannoedd o bobl o'r siopau a gofyn i bobl i osgoi’r ardal.

Dywedodd llywodraethwr y dalaith Tate Reeves nad oedd unrhyw un wedi ei anafu ac fe ddiolchodd i’r heddlu.

Darllenwch fwy yma.

Llun: Twitter