Mae asiantaeth ofod NASA wedi canslo lansio roced Artemis am yr eildro ddydd Sadwrn.

Roedd NASA yn paratoi i gynnig eto i lansio roced Artemis am daith o amgylch y lleuad ond fe ddaeth gollyngiad o danc hydrogen i’r amlwg yn ystod y dydd.

Roedd peirianwyr wedi bod yn ceisio trwsio’r nam ond heb lwyddo.

Bu’n rhaid gohirio ymgais ddydd Llun oherwydd problem gydag un o injans y roced.

Pwrpas y daith yw gosod sylfaen er mwyn anfon gofodwyr i’r lleuad am y tro cyntaf mewn 50 mlynedd.

Fe fydd Artemis 1 yn anfon capsiwl o’r enw Orion o amgylch y lleuad.

Roedd gan yr ymgais ddydd Sadwrn ffenestr i lansio o ganolfan Kennedy yn nhalaith Florida yn yr UDA yn cychwyn am 19.17 nos Sadwrn.

Y cyfle nesaf i lansio fydd yn ystod prynhawn dydd Mawrth.

Llun: NASA

The #Artemis I mission to the Moon has been postponed. Teams attempted to fix an issue related to a leak in the hardware transferring fuel into the rocket, but were unsuccessful. Join NASA leaders later today for a news conference. Check for updates: https://t.co/6LVDrA1toy pic.twitter.com/LgXnjCy40u

— NASA (@NASA) September 3, 2022