Mae Arlywydd Wcráin, Volodymyr Zelenskiy, wedi annog milwyr Rwsia i “ffoi am eu bywydau” wrth i’w luoedd lansio ymosodiad ger dinas Kherson yn ne'r wlad.

Dywedodd Zelenskiy bod byddin Wcráin yn cymryd eu tiriogaeth yn ôl.

Mae Rwsia yn dweud bod yr ymosodiad wedi methu.

Yn ystod ei anerchiad yn hwyr nos Lun, dywedodd Zelenskiy y byddai milwyr Wcráin yn erlid byddin Rwsia “i’r ffin”.

"Os ydyn nhw am oroesi - mae'n bryd i fyddin Rwsia redeg i ffwrdd. Ewch adref," meddai.

Dywedodd gweinidogaeth amddiffyn Rwsia fod milwyr Wcráin wedi ceisio ymosod ar ranbarthau Mykolaiv a Kherson ond eu bod wedi dioddef anafiadau sylweddol.

"Methodd ymgais sarhaus y gelyn yn druenus", meddai.

Ond gadawodd yr ymosodiad dref Nova Kakhovka, a feddiannwyd gan Rwsia, heb ddŵr na phŵer. 

Darllenwch y stori’n llawn yma.