Newyddion S4C

Ffordd Redbrook, Cwmbrân

Cynnal ymchwiliad llofruddiaeth wedi marwolaeth menyw yn Nhorfaen

NS4C 28/08/2022

Mae Heddlu Gwent wedi lansio ymchwiliad llofruddiaeth yn dilyn marwolaeth menyw 53 oed ar Ffordd Redbrook yng Nghwmbrân yn Nhorfaen.

Cafodd swyddogion eu galw i gyfeiriad yno am tua 07.25 ddydd Sadwrn yn dilyn adroddiadau o ymosod.

Cludwyd y fenyw i’r ysbyty ond bu farw o’i hanafiadau yn hwyrach.

Dywedodd yr heddlu eu bod nhw wedi arestio dyn 48 oed lleol ar amheuaeth o lofruddio ac mae e’n cael ei gadw yn y ddalfa.

Mae'r llu yn gofyn i unrhyw un sydd â gwybodaeth i gysylltu â nhw gan nodi cyfeirnod 2200291088.

Llun: Google

This website uses cookies to ensure you get the best experience on our website.