Newyddion S4C

Pride Cymru yn dychwelyd am y tro cyntaf ers y pandemig

Pride Cymru yn dychwelyd am y tro cyntaf ers y pandemig

NS4C 27/08/2022

Roedd miloedd o bobl ar strydoedd Caerdydd ddydd Sadwrn i ddathlu Pride Cymru gyda'r orymdaith gyntaf ers cyn y pandemig.

Fe fydd ŵyl yn cael ei chynnal yn y brifddinas dros y penwythnos am y tro cyntaf ers 2019.

Roedd disgwyl i dros bymtheg mil o bobl gymryd rhan yn yr orymdaith yn y brifddinas dros y penwythnos.

Dau oedd yn edrych ymlaen at fynychu’r digwyddiad am y tro cyntaf oedd Jack Davies a Llion Richards.

Wrth siarad â Newyddion S4C, dywedodd Jack: "Dwi wir yn edrych ymlaen. Ers y pandemig fi'n meddwl ma'n amser i ni gael bach o balchder yn ddinas.

“Prif neges yw cael bach o hwyl. Ni gyd yn cael llawer o gasineb drwy gydol ein bywydau ni. So ma' Pride yn hollol amdano dathlu cael hwyl #let loose# tamed bach.”

Mae Llion hefyd yn edrych ymlaen: "Dwi erioed wedi cael y cyfle o'r blaen hefo'r pandemig a ballu. Dwi yn edrych ymlaen i weld y pared, dwi di clywed mae o'n lot fawr o hwyl.

“Ma'n hollol bwysig i bobl LHDTQ+ cael lle i mynegi i hunain. Ma' Pride yn hybu urddas, cryfder, a cydraddoldeb yma yng Nghymru.

“A dwi'n credu ma' Pride yn rywbeth sy'n grymuso pobl i ddod at i gilydd."

Mae'r ŵyl yn cael ei chynnal ar dri llwyfan yn ystod y deuddydd o berfformiadau gan gymysgedd o enwau mawr a thalent leol.

Mae'r trefnwyr wedi cadarnhau y bydd Mel C o'r Spice Girls, Boney M a chyflwynydd Radio 1 Adele Roberts yn rhan o'r arlwy.

Bydd Welsh of the West End a Bronwen Lewis hefyd yn perfformio.

Bydd nifer o ffyrdd yn y brifddinas ar gau i gerbydau dros y penwythnos o ganlyniad i'r digwyddiad. 

Dyma rai o ddelweddau'r dydd:

Image
Pride Cymru
Image
Pride Cymru
Image
Pride Cymru
Image
Pride Cymru
Image
Pride Cymru

This website uses cookies to ensure you get the best experience on our website.