Mae dyn 26 oed wedi’i gyhuddo o herwgipio ac ymosod ar ddynes.

Fe wnaeth Michael David Rogers o Denbigh Circle, Bae Cinmel, ymddangos yn Llys Ynadon Llandudno ddydd Mercher.

Cafodd ei arestio gan swyddogion Heddlu’r Gogledd ar 29 Rhagfyr yn dilyn adroddiadau o ddigwyddiad ar Ffordd Derwen yn y Rhyl.

Cafodd Rogers ei gadw yn y ddalfa, ac fe fydd yn ymddangos yn Llys y Goron yr Wyddgrug ar ddydd Gwener 30 Ionawr.