Mae Elton John a Britney Spears wedi rhyddhau sengl newydd ar y cyd ddydd Gwener.

Mae "Hold Me Closer" yn gyfuniad o nifer o glasuron Elton, gan gynnwys "Tiny Dancer".

Mae'r gân yn nodi'r tro cyntaf i Britney Spears ryddhau sengl newydd ers chwe blynedd.

Dywedodd ei bod hi'n "eithaf cŵl" i gael canu gydag un o'r "dynion mwyaf clasurol erioed".

Daw'r sengl rai wythnosau ar ôl i Britney briodi am y trydydd tro, ar ôl i drefniant oedd yn rhoi rheolaeth dros ei bywyd i'w thad ddod i ben.

Okie dokie … my first song in 6 years 🎶 !!!! It’s pretty damn cool that I’m singing with one of
the most classic men of our time … @eltonofficial 🚀!!!! I’m kinda overwhelmed… it’s a big deal to me !!! I’m meditating more 🧘🏼‍♀️ and learning my space is valuable and precious !!!

— Britney Spears 🌹🚀 (@britneyspears) August 25, 2022

Y ddeuawd yw'r diweddaraf mewn cyfres o brosiectau ar y cyd rhwng Elton John a rhai o enwau mwyaf y byd cerddoriaeth.

Hyd yma, mae ganddo ddeuawdau wedi eu rhyddhau gyda Ed Sheeran, Lady Gaga, Nicki Minaj, Stevie Wonder, Dua Lipa a Years & Years.

Llun: Elton John/Twitter