Mae cais wedi'i wneud i ychwanegu llety 'glampio' i'r maes bythynnod gwyliau a gafodd ei ddefnyddio gan Ant a Dec wrth iddynt gyflwyno I'm a Celebrity...Get Me Out of Here. 

Cafodd y maes ym Mhenmaenmawr ei ddefnyddio gan y cyflwynwyr teledu wrth ffilmio'r cyfresi diweddaraf o'r gyfres boblogaidd yng Nghastell Gwrych yn Abergele. 

Bellach mae perchennog Graiglwyd Spring, James McAllister, wedi gwneud cais i Gyngor Sir Conwy i newid defnydd tir y maes. 

Ar hyn o bryd, caiff y tir ei defnyddio ar gyfer pysgodfa frithyll a bythynnod gwyliau hunanarlwyo, ond mae'r perchnogion am ehangu defnydd y maes i gynnwys podiau glampio a thybiau twym. 

Er gwaethaf y buddsoddiad o dros £50,000 mewn datblygiadau, mae'n annhebygol y bydd Ant a Dec yn dychwelyd i'r maes, wedi i'r cyflwynwyr gadarnhau y bydd I'm a Celebrity yn dychwelyd i Awstralia ar gyfer y gyfres nesaf ym mis Tachwedd. 

Darllenwch fwy yma.