Newyddion S4C

Heddlu

Dyn wedi'i arestio ar amheuaeth o lofruddio menyw yn Abertawe

NS4C 23/08/2022

Mae dyn 55 oed wedi'i arestio ar amheuaeth o lofruddio menyw ym mhentref Clydach yn Abertawe. 

Cafodd y fenyw 71 oed ei darganfod yn farw mewn cartref ar Heol Tanycoed tua 8:20 fore dydd Llun. 

Dywedodd Ditectif Uwch-arolygydd Heddlu De Cymru Mark Lewis y bydd yr heddlu yn parhau yn yr ardal wrth i ymchwiliadau barhau. 

"Yn amlwg, fe fydd y digwyddiad yma yn achosi braw ymhlith y gymuned agos yng Nghlydach," meddai.

"Rydw i eisiau cadarnhau i'r gymuned bod person wedi ei arestio yn fuan yn yr ymchwiliad, ac nid ydym yn chwilio am unrhyw un arall mewn cysylltiad â'r digwyddiad." 

This website uses cookies to ensure you get the best experience on our website.