Cymru yn croesawu'r nifer uchaf erioed i wylio gêm ryngwladol i ferched
03/08/2022
Mae'r nifer uchaf erioed o docynnau wedi eu gwerthu ar gyfer gwylio tîm rhyngwladol Merched Cymru yn chwarae ym mis Medi.
Bydd Cymru yn wynebu Slofenia yn Stadiwm Dinas Caerdydd ar 6 Medi.
Daw'r newyddion am y niferoedd ddyddiau yn unig wedi diwedd Pencampwriaeth Merched Ewro 2022.
Mae'r nifer o gefnogwyr ar gyfer y gêm yn erbyn Slofenia bellach yn fwy na 5,455 sef y record flaenorol a gafodd ei gosod yn erbyn Estonia'r llynedd.
DIWEDDARIAD TOCYNNAU: HISTORY MAKERS 🏴
— Wales 🏴 (@Cymru) August 3, 2022
Five weeks to go, but we've already broken our home attendance record! Diolch am eich cefnogaeth 👏
Get involved and be a part of something special 👇https://t.co/hsH0UFUqN1#BeFootball | #TogetherStronger pic.twitter.com/5B9rHJIyMp
Dywedodd capten tîm merched Cymru, Sophie Ingle, ei bod hi'n "gyffrous iawn i weld y Wal Goch yn ein cefnogi ni mewn niferoedd mawr. Mae'n golygu cymaint i ni fel chwaraewyr, fyddai hyn ddim yn bosib hebddoch.
"Mae gêm y merched wedi dod yn llawer mwy amlwg yn sgil yr Ewros a fedrwn ni ddim disgwyl i weld effaith hynny yn Stadiwm Dinas Caerdydd."
Llun: Asiantaeth Huw Evans
