Mae'r Gweinidog Iechyd Eluned Morgan wedi cyhoeddi fod ysbytai yn Lloegr ar gael i dderbyn cleifion fasgiwlar o ardal Bwrdd Iechyd Betsi Cadwaladr os oes angen.

Dywedodd y gweinidog fod pwysau ar wasanaethau'r bwrdd iechyd ar hyn o bryd "oherwydd diffyg argaeledd ymgynghorwyr a nyrsys mewn gwasanaethau fasgwlaidd."

Mewn datganiad ysgrifenedig, ychwanegodd fod Llywodraeth Cymru wedi dod i gytundeb er mwyn trosglwyddo rhai cleifion yn ystod mis Awst i Ysbyty Athrofaol Brenhinol Lerpwl.

Fe allai rhai cleifion gael eu trosglwyddo hefyd i Ysbyty Athrofaol Brenhinol Stoke.

Mae hyn eisoes yn digwydd yn achos trigolion o'r gogledd ag anafiadau trawma difrifol.

Darllenwch ragor yma.