Mae Arlywydd Wcráin, Volodymyr Zelensky, wedi gorchymyn bod pobl yn gadael ardal Donetsk yn sgil ymladd ffyrnig gyda Rwsia.

Yn ei anerchiad nosweithiol, dywedodd yr arlywydd bod y cannoedd o filoedd o bobl sy'n parhau yn yr ardaloedd ymladd yn rhanbarth Donbas hefyd angen gadael. 

"Po fwyaf o bobl sy’n gadael Donetsk rwan, y lleiaf o bobl y bydd gan fyddin Rwsia amser i ladd,” meddai. 

Mae'r wasg yn y wlad hefyd yn honni bod y Dirprwy Brif Weinidog, Iryna Vereshchuk , wedi dweud bod pobl angen gadael cyn y gaeaf oherwydd bod adnoddau nwy naturiol y rhanbarth wedi eu dinistrio. 

Mae Donetsk wedi profi ymladd ffyrnig yn y dyddiau diwethaf, yn enwedig yn nhref ddwyreiniol Bakhmut, sef canolbwynt i ymosodiad Rwsia yn y Donbas.

Darllenwch fwy yma.