Mae cyn-chwaraewr Cymru a'r Llewod, Ieuan Evans, wedi ei gadarnhau fel Cadeirydd newydd Bwrdd Llewod Prydain ac Iwerddon.

Fe fydd yn dechrau yn y rôl ar 1 Hydref gan olynu Jason Leonard.

Mae'n cael ei ystyried fel un o'r chwaraewyr gorau erioed ar yr asgell i Gymru gan sgorio 33 o geisiadau dros ei wlad yn ystod ei yrfa ryngwladol o 11 mlynedd.

Cafodd Evans gydnabyddiaeth am ei yrfa lewyrchus pan dderbyniodd MBE am wasanaethau i rygbi yn 1996.

Dywedodd Evans ei bod hi'n "anrhydedd" wrth iddo gamu i'r rôl.

Llun: Y Llewod