Mae Sefydliad Iechyd y Byd wedi datgan bod yr achosion o frech y mwncïod yn argyfwng iechyd byd-eang.

Dyma’r rhybudd uchaf y gall Sefydliad Iechyd y Byd ei gyhoeddi ac mae'n dilyn cynnydd byd-eang mewn achosion.

🚨 BREAKING:
"For all of these reasons, I have decided that the global #monkeypox outbreak represents a public health emergency of international concern."-@DrTedros pic.twitter.com/qvmYX1ZBAL

— World Health Organization (WHO) (@WHO) July 23, 2022

Mae mwy na 16,000 o achosion bellach wedi’u cofnodi o 75 o wledydd, meddai cyfarwyddwr cyffredinol Sefydliad Iechyd y Byd, Dr Tedros Adhanom Ghebreyesus.

Ychwanegodd fod y risg yn fyd-eang yn “gymedrol”, ond ei fod yn "uchel" yn  Ewrop.

Dim ond dau argyfwng iechyd arall o'r fath sydd ar hyn o bryd - y pandemig Covid-19 a'r ymdrech barhaus i ddileu polio.