Newyddion S4C

Llun o gar heddlu.

Dwy wedi marw mewn gwrthdrawiad yng Nghaerffili

NS4C 20/07/2022

Mae'r heddlu yn apelio am wybodaeth ar ôl i ddwy fenyw farw mewn gwrthdrawiad yng Nghaerffili ddydd Mawrth. 

Digwyddodd y gwrthdrawiad rhwng Citröen C3 glas a Ford Ranger gwyn ger y chwarel lechi ar Heol Fochriw ychydig wedi 10:00. 

Roedd un o'r menywod yn 79 oed, a'r llall yn 30 oed, ac yn y car Citröen. 

Cafodd bachgen tair oed a dyn 22 oed hefyd eu cludo i'r ysbyty gydag anafiadau difrifol. Mae'r ddau bellach mewn cyflwr sefydlog. 

Mae'r heddlu yn gofyn i unrhyw un sydd â gwybodaeth am y gwrthdrawiad i gysylltu ar unwaith. 

This website uses cookies to ensure you get the best experience on our website.