Newyddion S4C

Llun o gar heddlu.

Arestio dyn lleol mewn cysylltiad â marwolaeth yng Ngwynedd

NS4C 11/07/2022

Mae Heddlu Gogledd Cymru wedi arestio dyn mewn cysylltiad â marwolaeth amheus dynes yng Ngwynedd.

Cafodd yr heddlu eu galw am 22:56 nos Sul i ddigwyddiad ar Rodfa’r Môr, Y Bermo.

Cafodd dynes driniaeth gan y Gwasanaeth Ambiwlans, ond bu farw yn ddiweddarach.

Mae’r farwolaeth yn cael ei thrin fel un amheus ac mae dyn lleol wedi’i arestio mewn cysylltiad â’r digwyddiad.

Mae ditectifs yn parhau gyda’u hymchwiliadau ac mae’r Crwner lleol wedi cael gwybod am y farwolaeth.

Mae’r heddlu yn annog unrhyw un a oedd yn ardal Rhodfa’r Môr yn Y Bermo toc cyn 23:00 nos Sul i gysylltu ar 101, gan ddyfynnu cyfeirnod B100995.

This website uses cookies to ensure you get the best experience on our website.