Newyddion S4C

Jonny Clayton a Gerwyn Price

Cymru trwodd i rownd gyn-derfynol Cwpan Dartiau’r Byd

NS4C 19/06/2022

Mae Gerwyn Price a Jonny Clayton wedi cyrraedd rownd gyn-derfynol Cwpan Dartiau'r Byd yn yr Almaen.

Fe gurodd y ddau Yr Almaen 2-0 brynhawn Sul i symud ymlaen i rownd nesaf y gystadleuaeth yn erbyn Yr Iseldiroedd yn Frankfurt nos Sul.

Daw hyn ar ôl i’r ddau guro Awstria brynhawn Sadwrn.

Fe enillodd y ddau'r gystadleuaeth yn 2020 ac fe fyddan nhw nawr yn wynebu’r pâr o’r Almaen ar domen eu hunain.

Roedd y gêm yn erbyn Awstria yn agos iawn ond llwyddodd y ddau Gymro i godi’u gêm ddydd Sul.

Dywedodd Gerwyn Price ar ôl y fuddugoliaeth: “Dyna’r orau rwy wedi chwarae mewn amser hir.”

Ychwanegodd Jonny Clayton; “Ry ni ar y map nawr.”

Mae’r rownd derfynol yn cael ei chwarae nos Sul.

This website uses cookies to ensure you get the best experience on our website.