Mae yna alwadau i gynnal Eurovision 2023 yng Nghaerdydd wedi i'r BBC ddechrau ar drafodaethau i gynnal y gystadleuaeth ganu'r flwyddyn nesaf. 

Yn draddodiadol, mae'r wlad sydd yn ennill y gystadleuaeth yn cynnal y digwyddiad y flwyddyn ganlynol. 

Fe wnaeth Kalush Orchestra o Wcráin ennill y gystadleuaeth eleni yn Turin ar ôl ennill y nifer fwyaf erioed o bleidleisiau gan y cyhoedd. 

Dywedodd yr Undeb Darlledu Ewropeaidd (EBU) ei fod wedi bod yn gweithio gyda darlledwr cyhoeddus Wcráin, UA:PBC, i geisio cynnal Eurovision yn y wlad flwyddyn nesaf. 

Er hyn, yn sgil ymosodiad Rwsia ar y wlad, mae'r EBU wedi penderfynu na fydd hi'n ddiogel i Wcráin cynnal y gystadleuaeth.  

Yn hytrach, mae trafodaethau i gynnal Eurovision yn y Deyrnas Unedig, wedi i Sam Ryder orffen yn ail tu ôl i Wcráin yn y gystadleuaeth eleni. 

The Principality Stadium in Cardiff would be a great venue to host the prestigious contest, to showcase one of Wales' finest venues and to show the world the best of Cardiff and Wales.

2/2

— Andrew RT Davies (@AndrewRTDavies) June 17, 2022

Clearly Eurovision should be held at the Principality Stadium (roof closed) Cardiff with 70,000 partygoers - no brainer

— Kevin Brennan MP (@KevinBrennanMP) June 17, 2022

O ganlyniad mae rhai wedi galw i'r gystadleuaeth gael ei chynnal yng Nghymru.

Mae Arweinydd y ceidwadwyr Cymreig, Andrew RT Davies ymhlith rhai sydd yn gobeithio y bydd Stadiwm Principality yng Nghaerdydd yn lleoliad posib.