Mae ymgynghorydd moeseg y Prif Weinidog, Yr Arglwydd Christopher Geidt, wedi ymddiswyddo. 

Mewn datganiad byr nos Fercher, fe gyhoeddodd yr Arglwydd Geidt ei fod yn gadael ei rôl fel Ymgynghorydd Annibynnol ar Ddiddordebau Gweinidogol y PW. 

Daw hyn ddyddiau'n unig ar ôl i ASau ei gwestiynu ynglŷn ag ymddygiad Boris Johnson yn sgil Partygate, gan holi os yw'r Prif Weinidog wedi torri'r Cod Gweinidogol drwy dderbyn dirwy. 

Dyma'r ail ymgynghorydd annibynnol i ymddiswyddo o Lywodraeth Boris Johnson wedi i Alex Allan adael yn dilyn ymateb y Prif Weinidog i'r canfyddiadau bod Priti Patel wedi bwlio gweision sifil. 

Llun: Chris McAndrew