Mae dyn wedi'i gludo i'r ysbyty wedi iddo gael ei drywanu ym Mae Caerdydd yn oriau man fore Llun. 

Cafodd y dyn 26 oed o Gasnewydd ei anafu yn dilyn ffrae rhwng grŵp o ddynion ifanc. 

Mae dyn 22 oed o ardal Gabalfa wedi'i arestio yn sgil yr ymosodiad ar amheuaeth o achosi niwed corfforol difrifol yn fwriadol. 

Yn ôl yr heddlu, roedd y ffrae yn gysylltiedig gyda gwrthdrawiad rhwng BMW a Volkswagen Golf ger adeilad y Senedd.

Mae'r heddlu wedi apelio ar unrhyw un sydd ag unrhyw wybodaeth am y digwyddiad i gysylltu gyda nhw yn syth. 

Darllenwch fwy yma.