Mae'r Prif Weinidog Boris Johnson yn wynebu pleidlais o ddiffyg hyder nos Lun.

Fe gyhoeddodd Cadeirydd Pwyllgor 1922 - y pwyllgor o aelodau meinciau cefn y Ceidwadwyr - Syr Graham Brady, fore dydd Llun y byddai pleidlais rhwng 18:00 ac 20:00.

Pleidlais gudd fydd yn wynebu Aelodau Seneddol Ceidwadol nos Lun, ond mae rhai ASau Ceidwadol Cymreig eisoes wedi datgan eu barn.

Roedd angen 54 o lythyron i gael eu cyflwyno er mwyn cynnal y bleidlais, ond fe fydd angen 180 o ASau ei blaid ei hun i bleidleisio yn ei erbyn er mwyn cynnal pleidlais am arweinydd newydd.

Sarah Atherton, Wrecsam -  Cefnogi'r Prif Weinidog  

Aelod Seneddol Wrecsam, Sarah Atherton yw'r ddiweddaraf i gyhoeddi ei bod yn cefnogi Boris Johnson, a'r chweched AS i ddatgan cefnogaeth iddo.  

Simon Baynes, De Clwyd - Cefnogi'r Prif Weinidog

Mae Simon Baynes sydd wedi cynrychioli De Clwyd ers 2019 wedi dweud y bydd yn cefnogi Boris Johnson yn y bleidlais, gan ddweud ei fod yn "iawn" ar y "penderfyniadau mawr".

Today I will be supporting @BorisJohnson - he has got the big decisions right on vaccines, supporting people through the Covid crisis, delivering on Brexit which the majority of people supported in the referendum and 2019 election and leading international support for Ukraine.

— Simon Baynes MP (@baynes_simon) June 6, 2022

Alun Cairns, Bro Morgannwg - Cefnogi'r Prif Weinidog

Mae Alun Cairns wedi cynrychioli Bro Morgannwg ers 2010 ac roedd yn Ysgrifennydd Gwladol Cymru rhwng 2016 a 2019.  Mae Mr Cairns hefyd yn cefnogi Boris Johnson, gan gyfeirio at y cynllun ffyrlo a'r lefelau diweithdra. 

I will be backing the PM tonight. He has always got the big calls right- Furlough, giving us the lowest unemployment since 70’s;Vaccines, releasing us from Covid sooner than other nations;Strongest leadership against Russian aggression;& coordinated support through energy crisis

— Alun Cairns (@AlunCairns) June 6, 2022

David TC Davies, Mynwy - Cefnogi'r Prif Weinidog

Mae David TC Davies wedi bod yn Weinidog yn Swyddfa Cymru ers 2019, ac wedi cynrychioli etholaeth Mynwy ers 2005.  Mae'n dweud y bydd yn cefnogi'r Prif Weinidog yn y bleidlais gan ddweud ei fod yn "benderfynol" i achub bywydau yn ystod y pandemig.

My father died in June 2020 during lockdown. At that time,as a Minister, I saw first hand, including at COBR meetings, how determined Boris was to saving lives and getting our country through. His commitment was absolute and I have no hesitation in backing him today.

— David TC Davies MP 🏴󠁧󠁢󠁷󠁬󠁳󠁿🇬🇧 (@DavidTCDavies) June 6, 2022

Simon Hart, Gorllewin Caerfyrddin a De Sir Benfro  - Cefnogi'r Prif Weinidog

Simon Hart yw Ysgrifennydd Cymru ac mae'n aelod o'r cabinet ers 2019.  Dywed Simon Hart y bydd yn cefnogi'r Prif Weinidog gan ddweud fod angen cefnogi arweinydd y tîm "mewn amseroedd da a drwg".

As a Government we’ll be judged on whether we make the right calls on the big challenges - Ukraine, cost of living and the vaccination programme being just 3 examples.

[1/3]

— Simon Hart (@Simonhartmp) June 6, 2022

Craig Williams, Sir Drefaldwyn - Cefnogi'r Prif Weinidog

Mae Craig Williams wedi bod yn AS ar etholaeth Sir Drefaldwyn ers 2019.  Dywedodd Mr Williams brynhawn dydd Llun y bydd yn cefnogi'r Prif Weinidog wedi iddo wrando ar yr hyn oedd ganddo i'w ddweud wrth aelodau'r meinciau cefn mewn cyfarfod yn gynharach.

Having listened to the PM at the 1922, I will continue to back @BorisJohnson & focus on growing the economy, tackling the cost of living & clearing the Covid backlogs. He got the big decisions right on vaccines, supporting people through the Covid crisis & tackling unemployment.

— Craig Williams (@craig4monty) June 6, 2022

Fe fydd y diweddaraf ar wasanaeth Newyddion S4C drwy gydol y dydd.