Mae llun swyddogol o’r Frenhines wedi’i ryddhau cyn y dathliadau i nodi ei Jiwbilî Platinwm.

Cafodd y portread ei dynnu gan Ranald Mackechnie yn Vestibule Victoria yng Nghastell Windsor yn gynharach eleni.

Yn ei neges Jiwbilî diolchodd y Frenhines i bobl am drefnu digwyddiadau i ddathlu ei charreg filltir, gan ddweud y byddai "llawer o atgofion hapus" yn cael eu creu.

Ychwanegodd: “Rwy’n parhau i gael fy ysbrydoli gan yr ewyllys da a ddangoswyd i mi, ac yn gobeithio y bydd y dyddiau nesaf yn gyfle i fyfyrio ar bopeth sydd wedi’i gyflawni yn ystod y 70 mlynedd diwethaf, wrth i ni edrych i’r dyfodol gyda hyder a brwdfrydedd.”

"I continue to be inspired by the goodwill shown to me, and hope that the coming days will provide an opportunity to reflect on all that has been achieved during the last seventy years."

A message from The Queen at the start of the #PlatinumJubilee celebrations:

— The Royal Family (@RoyalFamily) June 1, 2022

Y Frenhines Elizabeth yr Ail yw’r Frenhines gyntaf yn hanes Prydain i ddathlu Jiwbilî Platinwm.

Bydd dathliadau yn cael eu cynnal ar draws Prydain er mwyn nodi 70 mlynedd ers dechrau teyrnasiad Y Frenhines.

Llun: Twitter @RoyalFamily