Mae Gareth Bale wedi diolch i Glwb Pêl-droed Real Madrid wedi iddo adael y clwb.

Yn ôl Bale, roedd chwarae dros ei glwb yn "anrhydedd".

Mae seren pêl-droed Cymru wedi diolch i'w gyd-chwaraewyr, rheolwyr, staff ystafell gefn ac i'r cefnogwyr a ddangosodd cefnogaeth iddo.

Fe ymunodd Bale â'r clwb naw mlynedd yn ôl.

Dywedodd fod chwarae i Real Madrid yn brofiad "na fydd byth yn anghofio".

It has been an honour. Thank you! #HALAMADRID @RealMadrid pic.twitter.com/T7FL2LNRrD

— Gareth Bale (@GarethBale11) June 1, 2022

Mae Bale wedi derbyn cryn feirniadaeth gan garfannau o gefnogwyr Real Madrid.

Ond bellach, mae'n edrych am dîm newydd, gyda thipyn o ddarogan am ba glwb fydd e'n ymuno ag e.

Am nawr, mae ei olygon ar rownd derfynol gemau ail gyfle Cwpan y Byd ddydd Sul.

Llun: Gareth Bale / Twitter