Galw am ymchwiliad yn dilyn trafferthion cyn gêm pencampwyr Ewrop ym Mharis

29/05/2022

Mae Clwb Pêl-droed Lerpwl yn galw am ymchwiliad am reolaeth y dorf cyn y gêm yn erbyn Real Madrid yng Nghynghrair Pencampwyr Ewrop ym Mharis nos Sadwrn.

Roedd oedi o 36 munud cyn i’r gêm ddechrau oherwydd roedd miloedd o gefnogwyr Lerpwl yn methu cael mynediad.

Roedd rhai wedi cwyno fod yr heddlu wedi defnyddio nwy dagrau arnyn nhw.

Dywedodd UEFA fod trafferthion oherwydd bod nifer o gefnogwyr Lerpwl wedi prynu tocynnau ffug.

Mae ysgrifennydd diwylliant y DU Nadine Dorries wedi cefnogi’r galwadau am ymchwiliad.

Dywedodd: “Rwy’n annog UEFA i lansio ymchwiliad swyddogol i’r hyn aeth o le a pham. Mae o ddiddordeb i bawb sy’n gysylltiedig i ddeall beth ddigwyddodd a dysgu gwersi o’r digwyddiadau yma."

Ar y cae, Real Madrid oedd yn fuddugol 1-0 gan ennill y cwpan am y 14eg tro.

Er i Gareth Bale gael ei enwi ar y fainc, ni ddaeth i’r cae.

Darllenwch fwy yma.