Mae'r bocsiwr Anthony Joshua wedi'i anafu a dau arall wedi eu lladd mewn gwrthdrawiad yn Nigeria, yn ôl adroddiadau. 

Mae gan Joshua, 36, gysylltiadau teuluol yn Sagamu, tref yn nhalaith Ogun yn ne-orllewin Nigeria. 

Yn ôl adroddiadau, fe gafodd Joshua fân anafiadau, ac mae dau arall wedi eu lladd. 

Mewn lluniau sydd wedi eu rhannu ar-lein, mae cyn-bencampwr pwysau trwm y byd yn cael ei weld yn eistedd yng nghefn y car cyn cael ei helpu allan gan dorf o bobl. 

Mae Joshua, sydd yn ymwybodol yn y lluniau, yn ymddangos mewn poen wrth gael ei gludo allan. 

Mae Joshua ac eraill a gafodd eu hanafu wedi eu cludo i ysbyty.