Mae menyw 63 oed wedi marw ar ôl cael ei tharo gan fws yng nghanol Caerdydd ddydd Sadwrn.

Dywedodd yr heddlu fod y fenyw o ardal Waunadda wedi marw yn y fan a’r lle er gwaethaf ymdrechion y gwasanaethau brys a’r cyhoedd.

Roedd y ffyrdd ar gau am rai oriau ac roedd yr heddlu wedi cynghori teithwyr i osgoi’r ardal yn dilyn y gwrthdrawiad rhwng gwaelod Stryd y Frenhines a Phlas Dumfries am tua 12.00.

Roedd siopau cyfagos wedi cau am beth amser hefyd.

Mae'r heddlu yn apelio am unrhyw un sydd â gwybodaeth i gysylltu gan nodi cyfeirnod 2200178270.

Darllenwch fwy yma.