Newyddion S4C

Chelsea - Stamford Bridge

Llywodraeth yn caniatáu i Glwb Pêl-droed Chelsea gael ei werthu

NS4C 25/05/2022

Mae Llywodraeth y Deyrnas Unedig wedi caniatáu i gynlluniau i werthu Clwb Pêl-droed Chelsea barhau.

Roedd cosbau ariannol wedi eu rhoi ar berchennog y clwb Roman Abramovich yn sgil ei gysylltiadau ag Arlywydd Rwsia, Vladimir Putin.

Mae Llywodraeth y DU wedi cyflwyno'r cosbau ariannol i nifer o bobl sydd â chysylltiadau â Llywodraeth Rwsia yn sgil ymosodiad y wlad ar Wcráin.

Mewn neges ar Wefan Twitter ddydd Mercher, dywedodd yr Ysgrifennydd Diwylliant, Nadine Dorries, mai'r unig ffordd o sicrhau "dyfodol hirdymor" y clwb oedd drwy ganiatáu’r gwerthiant.

Dywedodd hefyd fod y llywodraeth yn sicr na fydd gwerthiant y clwb yn buddio Roman Abramovich na chwaith unigolion eraill sydd wedi eu cosbi'n ariannol.

Llun: Asiantaeth Huw Evans

This website uses cookies to ensure you get the best experience on our website.