Mae rheolwr tîm pêl-droed Cymru, Rob Page, wedi enwi ei garfan ar gyfer gemau mis Mehefin.

Mae Rob Page wedi enwi carfan o 27 o chwaraewyr, gyda Chymru yn chwarae yn erbyn naill ai'r Alban neu Wcráin yn rownd derfynol gemau ail-gyfle Cwpan y Byd ar 5 Mehefin a Chynghrair y Cenhedloedd yn erbyn Gwlad Pwyl, Yr Iseldiroedd a Gwlad Belg. 

Mae gan Rob Page garfan bron yn holliach i ddewis ohoni, gyda chwaraewyr profiadol megis Gareth Bale, Aaron Ramsey a Joe Allen ymysg yr enwau fydd yn hollbwysig i'r ymgyrch fis nesaf.

Bydd Kieffer Moore a Danny Ward yn dychwelyd ar ôl anafiadau wnaeth olygu bod yn rhaid iddynt fethu gemau mis Mawrth. 

Bydd Brennan Johnson, Rubin Colwill a Sorba Thomas hefyd yn rhan o'r garfan yn ogystal â Nathan Broadhead, sy'n cael ei enwi yn rhan o'r garfan am y tro cyntaf.

Pe bai Cymru yn cyrraedd Qatar, byddai tîm Rob Page yn wynebu Lloegr, Iran ac Unol Daleithiau'r America yng Ngrŵp B ym mis Tachwedd. 

Bydd gêm gyntaf Cymru fis nesaf ar 1 Mehefin yn erbyn Gwlad Pwyl yng Nghynghrair y Cenhedloedd.

🏴󠁧󠁢󠁷󠁬󠁳󠁿 CARFAN CYMRU 🏴󠁧󠁢󠁷󠁬󠁳󠁿

Five matches. One @FIFAWorldCup play-off final.

🎟 https://t.co/hsH0UFCPVt #TogetherStronger pic.twitter.com/kAGuWLSiUV

— Wales 🏴󠁧󠁢󠁷󠁬󠁳󠁿 (@Cymru) May 19, 2022

Llun: Asiantaeth Huw Evans