Etholiadau Lleol 2022: Sinn Féin yw'r blaid fwyaf yng nghynulliad Gogledd Iwerddon

Belfast Telegraph 07/05/2022
Michelle O'Neill

Sinn Féin yw'r blaid fwyaf yng nghynulliad Gogledd Iwerddon wrth i gyfrif holl bleidleisiau'r etholiadau lleol yno ddod i derfyn nos Sadwrn.

Mae Sinn Féin wedi ennill 27 o seddi a'r mwyaf y mae plaid unoliaethol y DUP yn medru eu hennill yw 25.

Mae canlyniad o'r fath yn ddaeargryn gwleidyddol yn y dalaith, gydag arweinydd y cynulliad yn dod o rengoedd plaid weriniaethol am y tro cyntaf mewn dros ganrif.

Y disgwyl oedd y byddai plaid y DUP yn agos i Sinn Féin, ond roedd y canlyniadau yn awgrymu buddugoliaeth gyfforddus i blaid Michelle O'Neill.

Fore dydd Sadwrn roedd Sinn Féin wedi sicrhau 29% o bleidlais dewis cyntaf yn y dalaith, gyda'r DUP yn ail ar 21%.

Er y canlyniad hanesyddol, fe fydd ffurfio llywodraeth yn Stormont yn dalcen caled gyda rhai unoliaethwyr yn gwrthod y syniad o rannu grym gyda phlaid oedd yn hanesyddol yn cael ei hystyried fel un oedd gyda chysylltiadau agos â grwpiau parafilwrol gweriniaethol.

Ac er mwyn ffurfio llywodraeth o dan gytundeb Dydd Gwener y Groglith, rhaid rhannu grym yn y cynulliad rhwng y pleidiau gweriniaethol ag unoliaethol.

Darllenwch ragor yma.

Llun: Sinn Féin

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.