Mae trydydd dyn wedi cael ei arestio yn dilyn ymosodiad difrifol yng Nghaerdydd ddechrau’r wythnos. 

Mae dyn 37 oed o’r Mynydd Bychan yn parhau yn Ysbyty Athrofaol Cymru yn y brifddinas gydag anafiadau all beryglu ei fywyd, wedi’r ymosodiad ddydd Llun. 

Cafodd Heddlu’r De eu galw i Stryd Pentyrch yn ardal Cathays am tua 18.15 nos Lun, 22 Rhagfyr. 

Mae tri dyn wedi cael eu harestio yn dilyn yr ymosodiad. 

Cafodd dyn 51 oed o Fynachdy, Caerdydd ei arestio ddydd Gwener. Mae’n parhau yn y ddalfa gyda dyn 47 oed o Waunadda.

Mae dyn 60 o ardal Cathays wedi ei ryddhau ar fechnïaeth.

Mae Heddlu’r De yn apelio ar unrhyw un all fod a delweddau CCTV neu dashcam o Ffordd Maindy, Stryd Pentyrch, Ffordd Whitchurch a Theras Catays rhwng 16.00 a 18.30 ddydd Llun.

Fe allai unrhyw un sydd â lluniau o’r fath gysylltu â’r llu drwy ddyfynnu’r cyfeirnod 2500404113.