Mae cwest wedi clywed bod yr Athro Jason Arday wedi marw "o achosion annaturiol" yn ei gartref yn ne Llundain.

Daeth aelodau o’i deulu o hyd i’r Athro Arday yn “anymatebol” yn ei gartref yn Battersea brynhawn 14 Awst.

Fe gafodd cwest ei agor yn Llys Crwner De Canol Llundain ddydd Mercher.

Roedd y dyn 41 oed wedi ymddiswyddo o’i swydd fel athro cymdeithaseg addysg ym Mhrifysgol Caergrawnt yn gynharach ym mis Awst.

Daeth yr Athro Arday i sylw rhyngwladol yn sgil honiadau yn y wasg am lên-ladrad yn ei waith academaidd a ffugiadau mewn cofnodion hunangofiannol. 

Dywedodd yr uwch-grwner, Dr Julian Morris: “Mae’r gwahanol adroddiadau wedi rhoi rheswm i mi amau bod yr Athro Arday wedi marw o achosion annaturiol 12 diwrnod yn ôl.

“Felly, mae’n rhaid i mi agor ymchwiliad. Byddaf yn rhoi cyfarwyddiadau pellach i swyddog y crwner.”