Mae Heddlu Gogledd Cymru yn apelio am wybodaeth wedi i berson ifanc ddioddef anafiadau difrifol mewn gwrthdrawiad yng Ngwynedd. 

Cafodd y person 17 oed a pherson arall eu cludo i Ysbyty Gwynedd yn dilyn y gwrthdrawiad ar ffordd yr B4413 yn Aberdaron ychydig wedi canol nos ddydd Sadwrn, 30 Ebrill. 

Roedd y ddau yn teithio mewn Honda Civic Type-R du pan ddigwyddodd y gwrthdrawiad. 

Mae'r heddlu wedi gofyn i unrhyw un a welodd y gwrthdrawiad, neu welodd y car ychydig cyn y digwyddiad, i gysylltu. 

Llun: S.Sputzer