Mae Heddlu Dyfed-Powys yn apelio am wybodaeth yn dilyn adroddiadau o wrthdrawiad un cerbyd ym Mhowys.

Cafodd swyddogion eu galw i'r gwrthdrawiad ar ffordd y B4568 rhwng Aberhafesp a'r Drenewydd am tua 4:50 fore Llun.  

Cafodd y cerbyd, Ford Fiesta glas, ei ddarganfod ar ei do.  

Roedd gwasanaethau brys eraill hefyd yn bresennol, ond bu farw'r unig berson yn y cerbyd yn y fan a'r lle.

Mae teulu'r unigolyn wedi eu hysbysu ac yn derbyn cefnogaeth.

Mae'r llu yn gofyn i unrhyw un sydd â gwybodaeth i gysylltu â nhw gan ddefnyddio cyfeirnod DP-20220502-062.