Newyddion S4C

Neil Parish

Yr AS Ceidwadol Neil Parish yn dweud ei fod wedi gwylio pornograffi 'drwy ddamwain'

Evening Standard 30/04/2022

Mae’r Aelod Seneddol Ceidwadol, Neil Parish yn awgrymu ei fod wedi agor fideo pornograffi yn Nhŷ’r Cyffredin yn ‘ddamweiniol’.

Mae Mr Parish o dan ymchwiliad yn dilyn honiadau gan grŵp o ASau Ceidwadol benywaidd i'r Prif Chwip, Chris Heaton-Harris ei fod wedi gwylio pornograffi yn ystod dadl yn Nhŷ’r Cyffredin. 

Mae'r Blaid Geidwadol wedi tynnu'r chwip oddi wrth yr AS dros Tiverton a Honiton yn Nyfnaint, a'i wahardd o'r blaid yn sgil yr ymchwiliad. 

Fe wnaeth Mr Parish gyfeirio ei hun at Bwyllgor Safonau'r Tŷ, ac mae wedi gwrthod galwadau i ymddiswyddo fel Aelod Seneddol.

Dywedodd y bydd yn parhau gyda’i ddyletswyddau fel AS tra’n “cydweithio’n llwyr” gyda’r ymchwiliad.

Darllenwch fwy yma.

This website uses cookies to ensure you get the best experience on our website.