Mae’r cyn-chwaraewr tennis Boris Becker wedi’i ddedfrydu i ddwy flynedd a hanner yn y carchar ar ôl ei gael yn euog o bedwar cyhuddiad yn ymwneud a bod yn fethdalwr.

Fe gafwyd yr Almaenwr yn euog o guddio nifer o asedau, gan gynnwys bron i £700,000, a 75,000 o gyfranddaliadau mewn cwmni technoleg a rhai o'i dlysau tennis mwyaf gwerthfawr - gan gynnwys dau dlws Wimbledon, yn gynharach yn y mis.

Roedd yn ofynnol i Becker i ddatgelu ei holl asedau ar ôl cael ei ddatgan yn fethdalwr bum mlynedd yn ôl.

Mae disgwyl y bydd Becker yn treulio hanner ei ddedfryd dan glo, a'r hanner arall ar drwydded.

Darllenwch fwy yma.