Mae arlywydd Rwsia wedi rhybuddio y bydd unrhyw fygythiadau gan wledydd sydd yn ymyrryd yn allanol yn erbyn ymgyrch filwrol ei wlad yn Wcráin yn wynebu "ymateb chwim."

Wrth siarad yn St Petersburg ddydd Mercher, dywedodd yr Arlywydd Putin y byddai unrhyw ymyrraeth o'r fath yn cael ei dehongli fel "bygythiad strategol annerbyniol" gan Rwsia.

Ychwanegodd fod sancsiynau economaidd y gorllewin ar Rwsia wedi methu, gan ddweud y byddai amcanion ei luoedd yn cael eu cwblhau wrth i'r rhyfel barhau.

Daw'r cyhoeddiad wedi i Rwsia atal cyflenwadau nwy i Fwlgaria a Gwlad Pwyl yn gynharach ddydd Mercher, a hynny am wrthod gwneud taliadau am y nwy drwy ddefnyddio roubles.

Darllenwch y stori'n llawn yma.