Newyddion S4C

Zelensky

Ysgrifennydd Gwladol America wedi ymweld â Zelensky yn Kyiv

Mae Ysgrifennydd Gwladol America, Antony Blinken, wedi ymweld â Volodymyr Zelensky, arlywydd Wcráin, yn y brifddinas, Kyiv.

Roedd yr ymweliad wedi cael ei gadw’n gyfrinachol wrth i’r rhyfel yn Wcráin nawr ymledu i’r trydydd mis.

Mae Mr Blinken wedi addo $322 (£251m) fel arian newydd ar gyfer y Wcráin, a chadarnhaodd y bydd diplomyddion Americanaidd yn dechrau dychwelyd yn raddol i'r wlad.

Dyma oedd yr ymweliad cyntaf gan un o uwch-swyddogion America ers i Rwsia ddechrau'r rhyfel.

Hefyd ar yr ymweliad gyda Mr Blinken oedd yr Ysgrifennydd Amddiffyn, Lloyd Austin.

Darllenwch fwy yma.

This website uses cookies to ensure you get the best experience on our website.