Newyddion S4C

alec baldwin

Canllawiau diogelwch 'heb eu dilyn' ar set ffilm Alec Baldwin lle saethwyd gweithiwr

Mirror 20/04/2022

Ni chafodd canllawiau diogelwch eu dilyn ar set ffilm Alec Baldwin lle saethwyd gweithiwr yn farw, yn ôl adroddiad. 

Bu farw Halyna Hutchins ar set y ffilm Rust ym Mecsico Newydd yn yr Unol Daleithiau y llynedd, ar ôl i Baldwin danio dryll tra'n ymarfer ar gyfer golygfa. 

Mae Baldwin eisoes wedi mynnu nad oedd wedi tanio'r dryll a bod "rhywun wedi rhoi bwled fyw yn y gwn".

Mae adroddiad mewn llys ym Mecsico Newydd wedi darganfod fod y cwmni cynhyrchu oedd yn gyfrifol am y set yn gwybod nad oedd rheolau yn cael eu dilyn ac wedi dangos "diffyg diddordeb" mewn diogelwch gweithwyr. 

Mae'r cwmni wedi derbyn y dirwy uchaf posib o dan gyfraith Mecsico Newydd.

Darllenwch y stori'n llawn yma. 

Llun: Gage Skidmore

This website uses cookies to ensure you get the best experience on our website.