Newyddion S4C

Mariupol

Wcráin: Rwsia yn galw ar amddiffynwyr Mariupol i ildio

Sky News 17/04/2022

Mae Rwsia wedi galw ar filwyr Wcráin sy’n amddiffyn dinas Mariupol yn nwyrain y wlad i ildio.

Dywedodd Rwsia y byddan nhw yn arbed bywydau’r amddiffynwyr o dan gonfensiwn y Cenhedloedd Unedig.

Dywedodd Arlywydd Wcráin, Volodymyr Zelensky, os oedd milwyr Wcráin yn y ddinas yn cael eu lladd yna byddai unrhyw drafodaethau am gadoediad gyda Rwsia yn dod i ben ar unwaith.

Yn ôl adroddiadau mae tua 2,500 o filwyr Wcráin dan warchae mewn gwaith dur yn y ddinas sydd wedi dioddef ymosodiadau cyson gan luoedd Rwsia ers wythnosau.

Nid oedd unrhyw arwydd yn ystod dydd Sul fod milwyr Wcráin wedi ildio o gwbl i luoedd Rwsia.

Darllenwch y stori yn llawn yma.

This website uses cookies to ensure you get the best experience on our website.