Mae’r Swyddfa Dywydd wedi cyhoeddi rhybudd melyn am wyntoedd cryfion ddydd Mawrth allai gyrraedd hyd at 60-65mya ar hyd yr arfordir. 

Fe ddaeth y rhybudd i rym am 04.00 y bore ac fe fydd yn para tan 16.00 brynhawn Mawrth. 

Mae’r Swyddfa Dywydd yn rhybuddio y gallai oedi fod yn debygol i rai gwasanaethau trafnidiaeth gyhoeddus. 

Dywedodd y gallai’r gwynt effeithio ar wasanaethau fferi ac awyrennau, yn ogystal ag oedi ar y ffordd, ac i fysus a threnau. 

Gall y tywydd garw effeithio ar ardaloedd ar hyd arfordir Cymru gyfan gan daro Ynys Môn yn y gogledd hyd at siroedd Bro Morgannwg a Rhondda Cynon Taf yn y de. 

Fe fydd y gwyntoedd cryfion yn dechrau yn y de-ddwyrain yn ystod oriau man y bore, gan ymledu tua'r gogledd-orllewin yn ystod y dydd.

Mae’r Swyddfa Dywydd hefyd wedi dweud y dylai pobl baratoi ar gyfer y posibilrwydd o golli cyflenwad pŵer. 

Dywedodd y gallai pobl wneud hynny drwy gasglu fflachlampau, batris, pecynnau pŵer ar gyfer eu ffônau symudol, yn ogystal â nwyddau hanfodol eraill. 

Fe fydd y rhybudd melyn am wynt yn effeithio ar y siroedd canlynol:

• Abertawe
• Bro Morgannwg
• Caerfyrddin
• Castell-nedd Port Talbot
• Ceredigion
• Conwy
• Gwynedd
• Pen-y-bont ar Ogwr
• Powys
• Rhondda Cynon Taf
• Sir Benfro
• Ynys Môn