Newyddion S4C

Tîm Achub Mynydd Dyffryn Ogwen

‘Dechrau prysur’ i’r penwythnos i dîm achub mynydd yn Eryri

NS4C 16/04/2022

Mae Tîm Achub Mynydd Dyffryn Ogwen wedi cael “dechrau prysur” i’r penwythnos.

Dywedodd y tîm eu bod nhw wedi cael eu galw i dri digwyddiad ddydd Gwener.

Bu’n rhaid achub cerddwr oedd wedi llithro ar fynydd Tryfan ac fe gafodd ei gludo i Ysbyty Gwynedd mewn hofrennydd i dderbyn triniaeth am “anafiadau difrifol.”

Roedd 15 aelod o'r tîm wedi trin y dyn oedd wedi cwympo tua 30 troedfedd ar ochr ogleddol y mynydd.

Roedd y tîm hefyd wedi rhoi cymorth i gerddwraig ger Llyn Cowlyd ac i ddyn oedd wedi anafu ei goes mewn chwarel ger Deganwy.

Llun: Sefydliad Achub Mynydd Dyffryn Ogwen

This website uses cookies to ensure you get the best experience on our website.