Fe fydd un o sêr y gyfres deledu Gogglebox yn ymddangos ar y gyfres newydd o Iaith ar Daith.

Bydd y Parch. Kate Bottley, sydd bellach yn cyflwyno ar Radio 2 a Songs of Praise, yn ymuno â'r gyfres ddiweddaraf sy'n gweld selebs yn cael eu tywys o amgylch Cymru i ddysgu Cymraeg.

Y cyflwynydd Jason Mohammad, sy'n cyd-gyflwyno rhaglen Good Morning Sunday ar Radio 2 gyda Kate, fydd yn ei thywys ar ei siwrnai i ddysgu'r iaith.

💥NEWYDDION💥

Felly, edrych pwy sy’n gwneud @s4c Iaith Ar Daith 2022!

Hapus i gyhoeddi bod @revkatebottley wedi cyrraedd yng Nghymru i ddysgu Cymraeg!

Dwi’n helpu fy ffrind o @BBCRadio2 ac hefyd, dwi nawr yn cario bagiau hi! 😳

Pob lwc Kate 🏴󠁧󠁢󠁷󠁬󠁳󠁿@S4CDysguCymraeg#iaithardaith pic.twitter.com/OcMHl91gn6

— Jason Mohammad (@jasonmohammad) January 6, 2022

Roedd y ddau yng Nghaerdydd ddydd Iau yn ffilmio'r gyfres mewn lleoliadau oedd yn cynnwys y tu allan i orsaf drenau Sgwâr Canolog.

Dyma fydd y drydedd gyfres o Iaith ar Daith i gael ei darlledu, gyda sêr gan gynnwys Chris Coleman, Adrian Chiles a Ruth Jones eisoes wedi cymryd rhan.

Mae disgwyl i Iaith ar Daith ddychwelyd am gyfres arall yn ddiweddarach eleni.

Llun: Y Parchedig Kate Bottley