Mae Llywodraeth Cymru wedi cyflwyno rheolau teithio newydd ar gyfer pob teithiwr sy'n cyrraedd Cymru o wledydd nad ydynt ar y rhestr goch. 

Mae angen i bob teithiwr sydd wedi'i frechu'n llawn sy'n cyrraedd Cymru, gan gynnwys y rhai o dan 18 oed, hunanynysu a chymryd prawf PCR ar ddiwrnod dau neu cyn hynny.

Daeth y rheolau newydd i rym o 4:00 fore ddydd Mawrth, 30 Tachwedd. 

Mae’r llywodraeth hefyd yn ystyried a fydd angen hunanynysu tan, a chymryd prawf PCR ar ddiwrnod 8. Bydd modd rhoi gorau i hunanynysu ar ôl derbyn canlyniad prawf negyddol.

Bydd unrhyw un sy’n cael canlyniad positif yn gorfod parhau i hunanynysu am 10 diwrnod o'r dyddiad y cymerwyd y prawf.

Mae’r llywodraeth yn parhau i gynghori pobl i beidio â theithio dramor oni bai bod hynny’n hanfodol.

Daw’r cyhoeddiad wedi i'r amrywiolyn Omicron gael ei adnabod yn gyntaf yn Ne Affrica ac mae pryderon ei fod yn lledaenu’n gyflymach nag amrywiolion eraill.

Ar hyn o bryd, mae'n ofynnol i deithwyr sydd heb eu brechu sy'n dychwelyd o wledydd nad ydynt ar y rhestr goch gael prawf PCR ar ddiwrnod dau a diwrnod 8, a hunanynysu am 10 diwrnod.  Bydd y gofynion hyn yn aros yr un fath.  

Daw’r cyhoeddiad yn dilyn pryderon bod amrywiolyn Omicron yn lledaenu’n gyflymach nag amrywiolion eraill.