Gohirio'r Bencampwriaeth Rygbi Unedig wrth i'r Scarlets a Rygbi Caerdydd geisio dychwelyd o Dde Affrica
Mae'r Bencampwriaeth Rygbi Unedig wedi gohirio dwy rownd o chwarae yn Ne Affrica ar ôl i'r wlad gael ei hychwanegu i'r rhestr teithio goch.
Mae'r Scartlets a Rygbi Caerdydd yn ceisio edrych am ffyrdd o ddychwelyd eu staff a chwaraewyr adref o'r wlad cyn gynted â phosib.
Cafodd De Affrica, ynghyd â phum gwlad arall, yn cael ei hychwanegu i’r rhestr goch o 12:00 ddydd Gwener yn sgil pryderon am amrywiolyn newydd ar gyfandir Affrica.
Daeth cadarnhad brynhawn dydd Gwener fod rownd chwech a saith o'r bencampwriaeth oedd i fod i ddigwydd y penwythnos nesaf, a'r canlynol, wedi eu canslo.
Dywedodd llefarydd ar ran y trefnwyr eu bod yn gweithio gyda'r pedwar tîm, Rygbi Caerdydd, Munster Rugby, Y Scarlets a Zebre Parma i sicrhau eu bod yn dychwelyd i'r DU cyn gynted â phosib.
Mae hediadau wedi eu gohirio o Dde Affrica am y tro a bydd unrhyw un sy’n cyrraedd y DU yn gorfod hunanynysu am 10 diwrnod.
O 04:00 ddydd Sul, bydd yn rhaid i unigolion sy’n dychwelyd dreulio cyfnod o gwarantin am 10 diwrnod mewn gwesty.
With the situation in South Africa having changed so quickly, we are now looking to repatriate our staff ASAP. For concerned families and friends, please rest assured that our focus is to ensure the safety and welfare of our people and will keep you updated with any developments.
— Cardiff Rugby (@Cardiff_Rugby) November 25, 2021
Mae Sky News yn adrodd y gallai’r newid daro’r ddau dîm gan fod paratoadau ar gyfer y Bencampwriaeth Cwpan Heineken yn fod i ddechrau ar dir cartref ar 10 Rhagfyr.
Following the news of a new COVID-19 variant in South Africa, Scarlets would like to assure families and friends that we are making every effort to get our touring party back home to the UK as soon as possible. We will provide further updates as soon as we can.
— Scarlets Rugby (@scarlets_rugby) November 26, 2021
Y gred yw bod y ddau dîm yn ceisio sicrhau hediadau preifat ar gyfer dydd Gwener.
Darllenwch y stori’n llawn yma.